hernaniko erdigunera sartzeko kontrol sistema azaroaren 25etatik aurrera bere osotasunean aplikatuko da, hala jakinarazi du Marian Beitialarragoitia alkateak. Urtebetetik gora pasa da zeinbait kontrol sistema martxan jarri zirela, eta Balantxako obrak bukatuta, jaitsieran jarri dute azkenekoa.
Ondorioz, Balantxako jaitsieran garajea dutenek, Kardaberaz kaleko 68ko garajeetakoek, egun horretatik aurrera txartela beharko dute garajeko sarrera eta irteera egiteko. Udalak azaldu duenez, jabe asko pasa dira udaletxetik, baina oraindik egin ez dutenek aukera dute oraindik: goizez 09:00etatik 13:00etara, eta 15:00etatik 20:00etara. Horrez gain, larunbat honetan, azaroak 6, eskaria egin ahal izango dute, 10:00etatik 13:00etara.
Bestalde, Atzietan ordubetez aparkatzeko aukera erabili dutenentzat ere izango da aldaketa. Aurrerantzean erabilpen zuzena eman beharko zaio araudiari eta 20:00etatik aurrera sarrera eta irteera itxiko dira.