Epaitegiak dioenez, Bozeramaile Batzordea oposizioak konbokatu dezake, baina ez du erabakitzeko ahalmenik

Bozeramaile Batzordeak ez du erabakitzeko ahalmenik izango. Hori da Euskal Auto­nomia Erkidegoko Au­zi­tegi Nagusiak esan duena.  Auzi­te­giak erantzuna eman dio Her­naniko Gobernu Tal­deak egindako errekurtsoari, eta batez ere, bi gauza argi­tzen ditu: batetik, oposizioko taldeek konbokatu dezaketela Bozeramaile Batzordea; eta bestetik, erabakitzeko ahal­menik ez duela izango.
Hernaniko Udalak herenegun jaso zuen epaitegiko notifikazioa, Gobernu Tal­deak 2008an jarritako errekurtsoari buruzkoa. 2008tik dator au­zia. 2008ko maiatzaren 29an, Hernaniko Plenoak erabaki zuen (oposizioaren botoekin), Udal Araudi Orga­nikoa aldatzea, Boze­ra­mai­le Batzordearen konpe­ten­tziei buruz. Haren arabera, Boze­ra­maile Batzordeak erabakiak hartzeko ahalmena zeukan, eta oposizioak konbokatu zezakeen egoki iruditutakoan. Hori da Gobernu Tal­deak errekurritu zuena. Errekur­tsoan eskatzen zuen, Alkateak konbokatu behar zuela Bozeramaile Batzordea, eta erabakitzeko ahalmenik ezin zuela izan.
Epaitegiaren erabakiak bi aldeei ematen die arrazoi puntu bat, neurri batean. Ba­tetik dio, oposizioak konbo­ka­tu dezakeela Batzordea, bai­na bestetik, erabakitzeko ahalmenik ez duela izango.

Errekurtsoa jartzeko aukera
Erabakia ez da definitiboa, eta errekurtsoa jartzeko aukera dago Auzitegi Gorenean. Udal Gobernuaren asesori­tzak jakinarazi duenez, ez dute beste errekurtsorik aurkeztuko.