Domu Santu eguna da gaur, Santu guztien eguna, eta ohitura jarraituz, herritar ugari hurbilduko dira gaur hilerrira, hildako senitarteko edo lagunen hilobian lore eskaintza egitera. Margaritak, krabelinak, gladioloak eta larrosak izaten dira senide edo lagunek gehien eramaten dituzten loreak, eta gaurkoan, herrian nonahi erosteko aukera izango da: loradendak zabalik egongo dira, eta Plazan ere lore-postuak izango dira.
Hildakoen omenez, lau meza
Hildakoak gogoratzeko mezak ere izango dira gaur. Agustindarretan goizeko 09:00etan izango da, Ereñotzuko elizan 10:00etan, 11:00etan Floridako San Jose Langilea Parrokian eta 12:00etan San Joan Bataiatzailea Parrokian.