BERRIAK Elkarteak antolatuta, arrisku haundia duten elikagaiak manipulatzeko ikastaroa izango da bihar eta ostiralean, Biterin. Ikastaroa Labocal enpresak emango du, eta hiru ordukoa izango da bi egunetan, arratsaldeko 14:00etatik 17:00etara. Izena eman nahi dutenek aukera dute oraindik, Berriak-era deituta, 943 33 30 49 telefonora.
«Elikagai kutsadurek
jatorri biologikoa, fisikoa edo kimikoa izan dezakete»
Labocal enpresak Kronikari adierazi dionez, arriskua duten elikagaiak babestu egin behar dira kontsumitu aurretik. Eta hori egiten ikasteko, komenigarria da elikagaiak manipululatzen dituzten pertsonek ikastaroa jasotzea: «arrisku haundiko elikagaiak manipulatzen ikasita infekzio toxiko ugari saihestu daitezke. Gaur egun gure herriko infekzio gehienak Salmonellak eta E. Coliak sortutakoak dira. Hauek normalean elikagai gordinetan egoten dira, haragian, esnean eta arrautzetan».