Biak ez ziren posible izan

Paleta Gomako Gipuz­koa­ko Txapelketako bi final jokatu zituzten 6 hernaniarrek atzo, senior mailan, eta jokoan ziren lau txapeletatik bi eskuratu zituzten. Biga­rren mailan 4 hernaniar aritu ziren lehian eta partidu parekatua, gogorra eta luzea jokatu ondoren, Eneritz Perez eta Garazi Jauregik jan­tzi zituzten txapelak Eli Gu­tierrez eta Mirari Pagolari 27-30 irabazita. Hala, Her­nani 1 taldeak irabazi du txapelketa. Perez eta Jaure­girekin batera, Ane Lizeagak osatu du taldea. 2garren taldean, Garbiñe Ti­jero aritu da Gutierrez eta Pagolarekin. Lehe­nengo mailan, berriz, Goiatz Manzisidor eta Leire Lu­kas neurtu ziren Intxau­rron­doko bikotearen aurka. Espero bezala, Intxaurron­doko atzelariak asko zaildu zuen lehia eta hernaniarrek ondo jokatu arren, 30-17 galdu zuten.