Gipuzkoako Odol Emaileen Elkarteak urtero bezala, gutxienez 25, 40 eta 50 aldiz odola eman duten odol emaileak sarituko ditu Intsignia eta Diplomekin, eta gutxienez 75 aldiz eman dutenei omenaldia egingo die odol emaile Bikain izateagatik. Sari banaketa eta omenaldia gaur eguerdian izango dira Adunan eta Hernanitik 33 odol emaile sarituko dituzte. Horien artean, F. Javier Ormaetxeari omenaldia egingo diote odol emaile Bikain izateagatik.
Meza eta omenaldia Asuntzion Parrokian eta bazkaria Aburuza
sagardotegian
Sari banaketa eta omenaldiekin hasi aurretik, meza izango dute goizeko 11:00etan, Asuntzion Parrokian. Ondoren, eguerdiko 12:00etan, Parrokian bertan izango da Intsignia eta Diplomen banaketa eta omenaldia. Ospakizuna bukatzeko, bazkaltzera joango dira 14:00etan, Aburuza sagardotegira. Menu ederra izango dute han zain.