Sei paletari hernaniar Gipuzkoako finalean bihar

Paletan, Gipuzkoako Ez­ker Hormako Txapelketako bi final jokatuko dira bihar Hernanin, eta bertan, Herna­niko 6 paletari lehiatuko dira. 10:30etan hasiko dira partiduak Kiroldegian. Senior mailako finalak dira biak. Bigar­ren mailako finalean, lau hernaniar izango dira aurrez aurre: Mirari Pagola-Eli Gu­tierrez eta Garazi Jau­regi-Eneritz Perez. Norgehia­goka parekatua espero da.
Ondoren, lehenengo mailako finala jokatuko da eta Goiatz Manzisidor eta Leire Lukas hernaniarrek Intxau­rron­doko bikotearen aurka jo­katuko dute: Etxegia-Mon­tes. Intxaurrondoko bikoteak 30-20 irabazi zien hernaniarrei sailkapen fasean eta faborito dira. Lukas estreinako aldiz aritu da maila honetan.

5 partidu gehiago,
gaur eta bihar
Bi final horiez gain, Gi­puz­koako Txapelketako beste 5 partidu jokatuko dira  asteburu honetan, Hernanin. Gaur lau jokatuko dira 16:00etatik aurrera. Infantiletan eskuz ba­naka: Xabat Pago­la/Gaz­teleku eta Unai Igle­si­as/Añor­­ga. Pa­leta jubeniletan: Gorro­txategi-Con­tr­eras/Pagola-Ugalde. Eta es­kuz binaka seniorretan: Oia­ga-Aizpitar­te/Arrasate. Bihar, be­rriz, pa­leta jubeniletan: Aierbe-Arrie­ta/Zarautz. 10:30etan izan­­­­go da.