Lider da Hernani, Erregionalen Ohorezko Ligan, eta gaur podiumean hirugarren dijoana hartuko du Zubipen, 16:30etan. Oiartzun eta Hernani; Hernani eta Oiartzun... klasiko bat izango da gaurkoa. Hernaniarrak bosgarren garaipena nahi dute, aurtengo denboraldi hasierari jarraipena emanez. Oiartzuarrek partidu bakarrera dute liderra, eta dituztenetan ariko dira, bizilagunak azpian harrapatzeko.
Zarautz-Hernani, bihar
Emakumezkoen ligan, aurren bigarrenak neurtuko dituzte indarrak bihar Zarautzen. Hernanik aurrea hartu nahi dio liderrari, eta orain arteko bolada onari ginda jarri nahi dio, Zarautzen kontra. Taldea indartsu dago; joan den astean ere 4-2 irabazi zuten eta erakustaldia eman hirugarren dijoan Beasainen kontra. Azken urteetako lanaren erakusgarri da taldearen egoera ona, gaur hobetu litekeena.
Jubenilak Indartsuren kontra
Jubenilen Liga Nazionalean, Hernanik Basaurin jokatuko du gaur, 18:00etan, Indartsu taldearen kontra, eta azken postuari agur esateko asmoarekin.