CCOOk dio, ELAk ez duela gaitasunik sektore hitzarmenak lortzeko

hernaniko CCOO sindi­ka­­tuak Kronikara bidali duen prentsa oharrean dio, ELAk ez daukala gaitasunik, sek­toreko hitzarmen kolektiboak lortze­ko, eta horregatik, be­raiei egoz­ten dietela esparru hori lapurtu izana. EAEn 443.403 langile daude hi­tzar­men ko­lektiborik gabe, CCOO­ren esanetan, eta horie­tatik 390.000 langile dira orain­dik itxi gabeko hitzar­men kolektiboren batek era­giten dietenak. CCOOk dio, hitzarmena lotu gabe baldin badago, erru zati bat behin­tzat badaukala ELAk, «EAEn langileen %40­ren ordezkaria delako». «ELAren esku egongo balitz, azken 10 urte hauetan Gipuz­koako metalurgiako 60.000 langilek ez lukete hitzarmen kolektiborik izango, ezta Ara­bako metalurgiako milaka langilek ere, ezta Bizkaiko ga­rraioaren sektoreko beste hain­bat langilek ere, eta abar...». Prentsa oharrak dio, sektore negoziazioa utzi egin duela ELAk, eta negoziazioa enpresa barrura eraman duela, enpresa bakoitzera. «Horregatik, berak ezin due­na guk lortu dugulako, egotzi digute negoziazio espa­rrua lapurtu egin dugula». yy