AHTren kontrako eguna gaur, Hernanin

Abiadura Haundiko Tre­naren obrak hasi dira Gi­puzkoan, eta AHTren kon­trako plataformak adierazi duenez, «berehala» hasiko dira Hernanin eta Urumeako bailaran. Protesta egiteko, AHTren kontrako eguna egingo dute gaur, Hernanin. Goizeko 09:30etan Tilo­setatik abiatuko dira, eta Gin­kana egingo dute men­dietan. Bueltan, 14:00etan, bazkal­tzeko elkar­tuko dira Atsegin­degin, eta mahaingu­rua girotzeko Mantala No! eta Ania kantautoreen ema­naldia izango da. Protesta egunak jarrai­pena izango du arratsaldean. 19:00­etan kalejira egingo dute Ti­losetatik aterata. Ilun­tzean, 21:00­etan, AHTren aurkako ekintzen inguruko bideo ema­naldia egingo dute Atseginde­gin. Eta protesta eguna amai­tzeko, 22:00etatik aurrera kon­tzer­tuak izango dira leku be­rean: Kaosa­renerasoaK, Ne­vio­sah, Fie­mo eta Komando Itinerante. Plataformak dei egin die herritarrei taldea­rekin bat egin eta ekitaldietan parte hartzeko.

«AHTren ondorioz, kaltetuena Urumea ibaia izango da»
Eusko Jaurlaritzak uztailan onar­tu zuten AHTren hiru tramoren proiektua eta au­rre­kontua, tartean Her­na­nikoa. AHT­ren aurkako tal­deak adie­razi duenez, «garestiena Asti­ga­rraga eta Hernani lotzen dituen tramoa da, 54 milioi euroko kostua du». Horrez gain, azaldu du­te, tramo horretan, Urumea bailara eta ibaia direla kal­tetuenak: «Urnieta­tik Astiga­rra­ga bitartean 2.157 metroko tunela egingo dute; Uban erreka gainetik 170 metroko zubia; Altzueta eta Iparra­girreko erriberetan, mendiari ebakia egin, eta 780 metroko beste zubi bat egingo dute; eta Akarregira azaltzeko, Ibarlu­zetik barrena 769 metroko tunela egingo dute» yy