hernaniko saskibaloiak bere biziko indarra hartu du azken urteetan. Sei talde ditu aurten, iaz baino bat gehiago, eta 60 jokalari ari dira astero entrenatzen, 9 entrenatzaileren esanetara. Aurten, lehenengo bi taldeetan jarrita dauzkate begiak. Nagusiek, mailaz igotzea dute helburu eta bide hori daramakite, denboraldi hasieran. Juniorrek oso talde ona dute, nahiz oso gaztea izan. Denboraldia kostata hasi dute, baina bukatzerako nahiko goian izatea espero dute.
Urtetako lanaren fruituak
Urte askotan desagertuta egon da saskibaloia Hernanin. Orain dela 8-10 urtetik, ordea, poliki eta ondo egindako lana hasi zuten; gaur egun seniorretan dauden asko dira orduko infantilen talde hartan hasi zirenak, eta gaur egun, testigu dira, saskibaloiak izan duen berrikuntzarena. Talde bakarrarekin hasi, eta gaur egun 6 talde ditu saskibaloi elkarteak, maila oso onekoak gainera. Hernaniko gazteak dira gehienak, eta entrenatzaileak ere bai. Eta arduradun nagusia, Bolitxe, elkarteko zutabe nagusi izan dena urte horietan guztietan.
Talde gaztearen ilusioa
Seniorren taldeak bikain hasi du denboraldia, partidu guztiak irabazi, eta azkenekoan puntu kopuru bikoitza sartu zien, kontrarioei. Aurten talde gaztea dute, juniorretatik igotako dezente dira, baina oso ondo hasi dute denboraldia. Igande goizean jokatuko dute, 11:45etan, Irunen, Baskoplastikaren kontra.
Hiru taldek Hernanin jokatuko dute igandean: 2 kadeteek 10:00etan; juniorrek 12:00etan.
6 talde, 60 jokalari eta 10 arduradun
Seniorrak: Gipuzkoako 2. maila
Entrenatz.: Eneko Fernandez.
Juniorrak: Gipuzkoako 1. maila
Entrenatz.: Jon Esnaola eta Aritz Arrieta.
Kadeteak 1: Gipuzkoa 1. maila.
Entrenatz.: Joanfe eta Jon Villar ‘Txili’
Kadeteak 2: Gipuzkoa 2. maila.
Entrenatz.: Begoña eta Aitor Urretabizkaia
Infantilak: Gipuzkoako liga. A Grupoa
Entrenatz.: Jon Villar ‘Txili’
Infantilak: Gipuzkoako liga. B Grupoa
Entrenatz.: Gontzal
Taldeko arduraduna: Bolitxe