«Trena egiten gastatuko dutena da, kilometro bakoitzeko, Hernaniko Udalaren urteko aurrekontua adina»

Kronika - Erredakzioa 2010ko urr. 13a, 02:00
Deskargatu Info Ahotsak :

Abiadura Haundiko Tre­na egiteko obrak hasiak dira Gipuzkoako zenbait herritan. Hernanin ez dituzte la­nak hasi, baina proiektua onar­tu berri dute, eta baita au­rrekontua ere. AHTren kontrako taldeek «astakeria» bat dela adierazi dute, kilometro bakoitzaren kostua, 35 miloi euro ingurukoa delako «Hernaniko Udalaren urteko aurrekontua baino gehiago». Hernaniko tramoaz gain, Gipuzkoan beste bi tramo ere onartu dituzte. Gares­tiena, Astigarraga eta Her­na­ni lotzen dituena: kilometroa 54 miloi euro.

AHTren kontrako eguna Hernanin, larunbatean
AHTren kontrako taldeek deituta, Hernanin egun guztiko protesta eguna egingo dute larunbatean. Goizeko 09:30­etan hasita izango dira: ginkana, bazkari herrikoia, kantautoreak, kalejira, bi­deo-emanaldiak, kontzertuak eta abar.

«Urumea kaltetuena»
Antolatzaileek diotenez, orain da mugitzeko garaia, obrak hasi baino lehen. «Bes­tela laster ikusiko ditugu, gure mendiak erabat txikituta». Urumea ibaia eta bailara omen da kalterik haundienetako jasango duen zonaldea. «Lehengo obra, bide eta eraikuntza guztiez gain, AHTak sekulako mina egingo dio Urumea bailarari. Ibaia lan­da-lurrik gabe gera­tzen ari da, eta inguruko baratze guztiak desagertuko dira. Men­diak zuloz josiko dituzte, eta pista berri asko ikusiko ditugu laister».

«Adibide moduan jartzeko, Urnietatik Astigarraga bitartean egingo dituzte: 2157 metroko tunela; 170 metroko zubia, Uban erreka gainetik; hortik mendiari sekulako ebakia egin, eta 780 metroko beste zubi bat egingo dute Altzueta-Iparragirreko erriberatan, eta handik, Ibar­lu­zetik, 769 metroko tunela, Akarregin azaldu arte».

EGITARAUA
Urriak 16 - Larunbata

  • 09:30 Ginkana Mendietan (Irteera Tilosetatik)
  • 14:00 Bazkari Herrikoia, Tilosetan
  • Ondoren kantautoreak: Mantala No! eta Ania
  • 19:00 Kalejira (Irteera Tilosetatik)
  • 21:00 Bideo-emanaldia, Tilosetan: AHTren aurkakoekintzak
  • 22:00 Kontzertua, Tilosetan: KaosarenerasoaK, Nerviosah, Fiemo eta Komando Itinerante.
Gizartea
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!