Goñi, Lekuona eta Romanek erakustaldia, hasieratik

Hiru Erregeen Mahaiak an­tolatzen duen herriarteko Trin­door txapelketa larunbatean aurkeztu zuten. Aur­kez­penean Hernanik txapelketarako baliorik ez zuen saioa egin zuen, eta iazko sasoia ez dutela galdu erakutsi zuten, 15´56ko denborarekin. Her­naniarrak, iazko txa­pel­dun izanda, final laurdenetarako sailkatuta daude zuzenean. Arraunean eta korrika Goñi eta Roman aritu ziren, joan den urtean bezala. Goñik 2´59ko marka egin zuen, eta Romanek 6´12koa. Bizikletan Iñaki Le­kuo­nak hartu dio aurten erreleboa X. Errazkini. Larunba­tekoan 6´44ko denbora egin zuen. Goñiren esanetan: «zuzenean sailkatuta egonagatik ez genion inori kexatzeko arrazoirik eman nahi, gure lana ondo egin, marka txukun bat jarri, eta finalerdietara begira itxura duina eman nahi genuen».