natza elkarteak antolatuta, hiru ekitaldi izango dira urrian zehar Hernanin. Asteazkeneko bideo-emanaldia izango da aurrenekoa, Sagarraren denbora izenekoa. Ondoren, bi hitzaldi izango dira, urriaren 20an eta 28an. Antxon Etxebesteren hitzaldia izango da lehenengoa, Retos del nuevo ciclo político gaia izango duena. Bigarrena Joxean Agirrek emango du, eta Euskal Memoriaren Fundazioari buruz arituko da.
Deportazioari buruzko luzemetraia, etzi
Sagarraren denbora luzemetraia ,deportazioari buruzko testigantza da. Josu Martinezek eta Txaber Larreategik idatzi eta zuzendu dute, eta ideia Alfonso Etxegarai idazlearen Regresar a Sara liburutik hartua da. Luzemetraian Kristiane Etxaluzek eta Alfonso Etxegaraik duten harremanaren nondik norakoa kontatzen da. Ezohiko bikotea da, biak gaztetatik Euskal Herriaren askapenerako borrokan dihardute, eta bere maitasuna elkarrengandik 7.000 kilometrotara bizi dute. Kristiane Zuberoan bizi da, eta Alfonso Afrikako irla txiki batean, deportatuta. Biek, hala ere, Bidasoan dute burua. Luzemetraia Biteriko areto nagusian jarriko dute asteazkenean, 19:30etan.
Etxebeste eta Agirren
hitzaldiak, urria bukaeran
Natzaldiako jardunaldiak bi hitzaldirekin amaituko dira aurten. Urriaren 20an Antxon Etxebeste hizlariak ziklo politiko berriaren erronkei buruz hitz egingo du, udaletxean, 19:30etan. Joxean Agirre idazlea, Euskal Memoria Fundazioari buruz arituko da, 28an, 19:30etan, Biterin. Bertan, azalduko du Euskal Herriaren memoria berreskuratzeak duen garrantzia eta egiten ari diren lana: «bilduma-lana egiten ari gara, noizbait dokumentazio propioa izan dezagun. Ondoren jasotakoa jendarteratu egin dugu, zabaldu».