«Organikoaren kalitatea oso txarra da, eta ez du ongarri bihurtzeko balio»

Hamaikabatek prentsa oha­rrean adierazi duenez, Atez Atekoaren propaganda egiten dutenentzat, birziklapen maila beti %80tik gorakoa da, baina denborak erakutsi du proganda bidez ezin dela egia ezkutatu: «esaerak dio gezurrak bide motza duela, eta antzeko zerbait ari da gertatzen Marian Beitiala­rrangoitiaren Gobernu Taldearekin. Atez Atekoa jarri zutenetik autopropaganda etengabea izan da. Eman dituzten datuen arabera, birziklapen maila beti izan da %80tik gorakoa, edo organikoarena %99.60a. Baina errealitateak agerian utzi ditu Gobernu Tal­dearen, Atez ateko mertzenarioen eta Atez ateko bulegoaren gezurrak» Hamaikabatek dio GT agerian uzten duen azkeneko froga dela jasotako organikoaren kalitate txarra, ez baitu ongarri bihurtzeko ere balio: «Gipuz­koako Hondakinen Kudeaketa enpresa arduratzen da organikotik konpostarako transformazioaz, eta 2010eko urriaren 5ean egindako idatzian, Udalari eska­tzen dio Hernanin biltzen den organikoa teknikoki aztertzeko, egokia ote den jakiteko. Agian hernaniarren ahalegina zaborrontzira botatzen ari dira. Ha­maikabatek hori erakusten duten argazkiak ditu (http:/h1buruntza.wordpress.com). Zorionez San Markoko lehendakari ordea zen Imanol Az­pirozek ere aitortu du, Mankomuni­tatetik Lapatxera iristen den organikoaren kalitatearekin duen urduritasuna eta kezka» Alderdiak azaldu du, oharrean beste eskaera bat ere egiten diotela Udalari: «hartu beharreko neurriak hartzeko eskatzen diote, hondakin organiko gehiago galdu ez dadin, eta herritarren esfortzuak bere frutua eman dezan. Idatzian Udalari jakinarazi diote, eskatutakoa betetzen ez badu, zigor-espedientea ireki diezaioketela» Azkenik, Iñaki Arratibelek azalpen publiko bat emateko exijitu dio Udalari, eta esakatu dio, behingoz, alde batera uzteko manipulazioa, propaganda eta gezurra.