Diputazioaren proiektuak azaldu zituen Biterin, Edurne Egañak

Edurne Egaña Foru Dipu­ta­tuak hitz egin zuen joan den astean Hernanin. Gi­puz­­koa Erai­kitzen pro­gramaren ba­rruan, Dipu­ta­zioaren gestio-plana azaldu zuen, eta herritarren kezkak eta zalan­tzak jaso zituen. Legegintzaldia hastean 7 helburu jarri zituen Dipu­ta­zioak, Egañaren esanetan, eta helburu guztien %87,6 beteta omen daudela. Zazpi helburuak hauek dira: 1) Mu­­gi­kor­tasun aurreratua lortu eta komunikazio az­pie­giturak in­dartzea; 2) Lu­rral­de oreka; 3) Ingurume­na zaintzea; 4) Nor­tasuna eta kultura babestea; 5) Gi­puz­koarron ongizatea bermatzea; 6) Lehia­­kor­ta­suna haunditzea; eta 7) Bakea lortu eta euskaldunon etorkizun politikoa lantzea. Horri erantsi behar zaio, krisiari aurre egiteko hartu behar izan diren neurriak. Guztira, Diputazioari %17 jaitsi zaizkio diru-sarrerak, eta beraz, gastuak %16,5 jaitsi ditu.

Krisiaren aurkako plana
Krisiari aurkako plana dela eta, 3 obra publiko aurreratu dira; 182 berrikuntza proiektu bultzatu, 181 gazte koalifikatu kontratatu; mi­nus­baliotasun baztertze arris­kua zuten 5.500 pertsona laneratu; 10 enpresa eta 27 proiekturen nazioartekotzea lortu; eta 8 azpiegitura teknologiko sustatu.

Gestio planaren %87 betea
Diputazioaren proiektu ga­rrantzitsuenak honakoak izan dira: Gipuzkoako errotonda deritzaiona (As­tiga­rra­gan dagoena), ho­rrek izan nahi luke, etorkizuneko azpiegituren bide­guru­tze nagusia. Transporte publikoa sus­­­tatzeko, LurraldeBus txartela sortu da. 18 milio bidaia egin dira Gipuz­koan, eta horietatik 10etik 7k txartela erabili dute. Bestelako proiektu nagusiak honakoak ditu, Dipu­tazioak: to­poa, Pasaiko Su­perportua, AHTa, eta Bidegorrien sarea haunditzea (100 kilometro izatetik 40 kilometrora). Larraizko eta proiektua, paseoak, parke naturalak eta abarretan proiektuak egin dira, herritarrak eta ingurunea elkartzeko, eta herri txikiei ere zerbitzuak haunditu zaizkie: ura urbanizazioa, azpiegiturak... egiteko dirulaguntzak. Hondakinen tratamendu integrala bilatu nahirik, Zubietako erraustegia du proiektu nagusi Diputa­zioak, eta 5.kontenedore­ra­ren aldeko apustua egin du. Enegia berriztagarrien aldeko apustua ere egin du Diputazioak, Egañaren esanetan. Ongizatean, helduen, disgaitasuna dutenen, eta babesik gabeko haurren alde pausoak eman direla adierazi zuten. Eta azkenik, nortasuna eta kulturaren aldeko apustuan zenbait proiektu estrategiko lagundu dira: Tabakalera, Ekainberri, Mintzola, Balentziaga museoa eta abar... Bakearen aldeko apustua erabatekoa dela adierazi zuen Egañak, Diputazioaren aldetik.

Galderak
Ondoren, entzuleek euren iritzia eman zuten, Di­pu­tazioaren plan eta proiektuei buruz. Eta honako zalantzak adierazi. Hemen nabarme­ne­nak:  «Partehartze prozesua sus­tatu nahi bada, gaurko hitzaldia kasu, zergatik ez da gai haundienen gainean inoiz erreferendumik egiten? Ez al da parafernalia bat gaurkoa? Zer dago erreferenduma bai­no partehartzaileagorik?». «Errealari 1.200 miloi eman dizkio Diputazioak eus­kera sustatzeko. Zein kon­promiso hartu ditu Errealak horren trukean?». «Diruaren gestioan, Di­pu­tazioak badakigu zulo haundia daukala, Irungo kasua ezagutzen dugu, Jau­regirekin zer gertatu zen ere bai... ze bide ditu herritarrak, ze mekanismo, kasu horien kontra egiteko?» «Hernanin Kultur Gu­nea egitea erabaki zen erreferendum batean, Dipu­ta­zioak lagunduta egin den prozesua izan da. Orain izango al da dirurik horretarako». Aurkezpenean euskerak izan zuen lekuari kritika egin zion entzule batek.