Kaleko argiak aldatu ditu Udalak bederatzi auzotan; 213 argi guztira

Apirilean onartu zuen Gobernu Batzordeak Her­naniko argi-luminariak eta lan­parak aldatzea, eta maia­tzetik aste honetara arte aldaketa lanetan aritu dira. Orain arte 150-250 batioko lanparak zeuden kalean, eta indarra %30 inguru jaitsi zaie. Eta intentsitatea jai­tsita, kalea ondo argiztatu da­din, farolen goiko partea, hau da, luminaria ere aldatu da. Aurreikusi bezala, be­deratzi auzotan egin di­tuzte aldaketak, guztira 213 argi-lu­minaria edo lanpara aldatu dituzte. Aldaketa ge­hien Etxe­­berri eta Ka­ro­bieta au­zoan egin dituzte, 45 eta 54 hurrenez hurren. Hala ere, Udaleko Argi hor­nikun­tza­rako ar­du­radunak azal­du du, Ata­rra­biyon eta Portun na­ba­ritzen dela ge­hien, ba­tez ere argi kon­ta­mi­nazio al­detik. Etorkizunean ere lanean jarraitzeko asmoa du Uda­lak, eta herriko beste hain­bat puntutan argi az­terketak egiten ari dira, «urtero begiratu eta al­datzea komeni da».

ARGI ALDAKETAK
Aristizabalen 16
Atarrabiyon 20
Bestizan 6
Etxeberrin 45
Ibarluzen 10
Portun 31
Ereñotzun 4
Karobietan 54
Karabelen 27