Txokolatada, ipuin kontalaria eta afrikar eta sabel dantza, gaur

AMHER SOS Arrazakeria taldeak antolatzen duen Aste Multikulturalak gaur du azken eguna, eta ekitaldiak ez dira faltako; guztiak Atsegindegin izango dira: arratsaldeko 17:00etan txokolatada egingo dute, eta ordu bete beranduago ipuin kontakizuna izango da. Festari amaiera emateko afrikar dantza emanaldia izango da Asvinenea­ko taldearen eskutik, eta Dishal taldeak sabel dantza erakustaldia egingo du.