Indartsuenen talka, liga hasteko

Landarek goi mailako espektakulua biziko du gaur ere, Ohorezko B mailako talderik indartsuenak neurtuko baitira bertan, gaur, 12:00etan.  Hernani eta Bartzelona dira iaz onenak izan zirenak, Oho­rezko B mailako azpi-talde honetan. Aurten ere faboritoen artean daude biak, eta gaur hasiko dira elkarri tamaina hartzen, ligako lehendabiziko partiduan.  

Justu antza hasiko du Her­nanik denboraldi berria, 5 baja baititu, ohizko konbokatorian. Jokin Esnal, Iñaki Apezetxea, Ramuntxo Labat, Igor Genua eta Ugaitz Otañok ez dute jokatuko, arazo ezberdinengatik. Horregatik, Joseba Silgue­ro jubenila sartu dute konbokatorian, eta aukera izango du bere maila erakusteko.

Oho­rezko B maila da, Es­pai­niako Estatuko bigarren ligarik onena, eta bi multzotan banatuta jokatzen da. Hernani 1 multzoan dago, beste 7 talderekin batera; 14 jardunaldi jokatuko dituzte, beraz. Le­hen­dabi­zi­koa, gaur.

Ohorezko B maila 1.multzoa:
-Hernani C.R.E.
-F.C. Barcelona
-Oviedo Feve R.C.
-Durango Ilarduya R.T.
-Getxo Artea R.T.
-Uribealdea Rugby K.E.
-Barcelona Universitari 
-Uni­ver­si­dade EDNON