«Talde bat sortzen ari gara Hernanin, bertako barazki-saski bat astero erosiko duena»

Hernaniko barazki ekologikoak jan nahi dituenak, au­kera ezin hobea izan dezake ostegunean, Biterin, horri bu­ruzko informazioa jasotzeko. EHNE sindikatuak egin du deialdia, eta Gipuz­koako he­rri askotan bezala, Hernanin ere talde bat sortu nahi dute, 20-30 lagunekoa, konpromisoa hartuko duena, astero saski bat erosteko.

Baserritar bat prest dago ba­razki horiek hazteko, mo­du ekologikoan, eta Herna­nin. EHNE sindikatuaren asmoa da, baserritar hori harremanetan jartzea, interesa izan dezakeen talde batekin, eta sistema honen funtzionamendua zein den azaltzea. Beste produktu batzuk ekoizten dituen baserritarrik bada, interesa duenik, azaltzeko deia egin diote baita ere (arrautzak, ogia, esnea, oilaskoak...).

Famili batek aste osoan jan dezakeen barazki kopurua
Era askotako saskiak egin daitezke, eta hori dena taldeak erabakitzen du baserritarrarekin batera. Normalean, famili osorako saskiak izaten dira, 4 lagunentzako-edo, bai­na erdia ere erosi daiteke. Saski horretan, behar adina barazki izaten da (garaian garaikoa), famili guztiaren­tzat. Kontua da, konpromisoa hartzea, saskia astero hartzeko. Funtzionamen­dua, erraza da. Erabakitzen den lekuan zita egiten da astero. Ba­se­rri­tarrak saskiak ekartzen ditu, eta bakoitzak berea hartu. Ordainketa hilero egiten da, eta kantitate finko bat izaten da, baserritarrarekin adostu beharrekoa (barazkitan 60 euro inguru, hilean).

Alberdik uste du, Herna­nin izango dela jendea interesa daukana, horrelako talde bat sortzeko, eta denak animatu ditu, Biterira azaltzeko.

Kalitatezko produktua aseguratua dagoela dio Alberdik, eta baserritarrari merezi duen prezioa ordaintzen zaiola.