Grebak jarraipen eskasa izan zuen atzo Hernanin

ccoo eta UGT sindikatuek Greba Orokorra deitu zuten atzo, Espainiako Gobernuak mar­txan jarri duen lan erreformaren kontra. CCOOk ba­lo­razio positiboa egin zuen, nahiz eta Grebak eragin gutxi izan zuen Her­nanin; eta sin­di­katuen jokaera salatu zuen: «lantegietan esaterako, langile batzuk hala eskatu arren, ez zuten asan­bladarik egin». Bestalde, atzo Kronikari ja­kinarazi ziotenez, Hernaniko Sy­meiko enpresako langileek ez zuten Grebarik egin; nahiz eta asteazkeneko alean, Kroni­kan, Greba egingo zutela argitaratu. Gipuzkoa mailan, sindikatuen arabera, Grebak %20-25 bi­­tarteko jarraipena izan zuen. ADEGI Gipuzkoako Patro­nalak berriz, Gre­baren jarraipena %1ekoa izan zela adierazi zuen. Eusko Jaurlaritzako Barne Sailak ordea, adierazi zuen Gre­ba deialdiaren eragina ezberdina izan zela sektore eta zonaldeen arabera: «jarraipen haundiena metalean egin zen, %10».