Chillida eta filosofiaren desafioak

Eduardo Chillidak lan asko egin zituen filosofoekin elkarlanean. Horietako hiru, hiru liburu, erakusketan dau­de Chillida Lekun, joan den ostiraletik, eta 2011ko otsailaren 21era arte. Aurten bete ditu Chillida Lekuk 10 urte, eta ospakizun moduan erakusketa eta ekitaldi asko egin dira; erakusketa honek bu­kaera emango dio, Chillida Le­kuko 10. urteurrenari.

Aldi berean, erakusketaren abiapuntua Ontologiako Na­zioar­teko Kongresuan dago, oraintxe egiten ari baitira, Donostian, urriaren 1era bitartean (Bartzelonan jarraituko dute, urriaren 4 eta 5ean). Victor Gomez Pin filosofoak aurkeztu zuen Chillidaren era­­kusketa, Luis Chillida eta Estela Solanarekin batera, joan den astelehenean.

Bachelard, Heidegger eta Parmenidesekin elkarlana
Hiru filosoforekin egindako hiru lan (artista-liburu) jarri dituzte erakusketan: Gaston Bachelardek Chillidaren es­kultore lana definitzen due­na: Derrièrre le miroir nº90. Martin Heideggerrek eskatuta egindako Die Kunst und de Raum. Eta Parmenidesekin egindako Le Poème; bertan hau dio Parmenidesek: «Physis etereoa ezagutuko duzu».