greba Orokarra izango da etzi, asteazkena, CCOO eta UGT sindikatuek deituta. Errebindikazio eguna azken urteetako nazioarteko krisi finantzieroak eragin duen eskubide sozialen murrizketen aurka antolatu dute. Manifestazioa Anoetatik aterako da, eguerdiko 12:00etan
«Langileen borrokarekin,
eskubideak berreskuratu»
CCOOk Kronikara bidalitako adierazpenean azaldu du Greba Orokorra deitzea, Espainiar Gobernuak aurrera eramandako politika ekonomikoen ondorioa dela. Sindikatuak Gobernuak krisi egoeratik ateratzeko hartutako neurriak salatu ditu: kaleratze merkea orokortzea, erretiro pentsio duina jasotzeko eskakizuna gogortzea eta zerbitzu publikoak ahultzea. Estatuko aurrekontuen murrizketa da, CCOOren ustetan, politika ekonomiko horien erakusle nagusia.
Arrazoi guzti hauengatik grebak erantzun zabala izatea espero dute, eta dei egin dute etzi Donostian egingo den manifestazioan parte hartzeko.