Molotoff Irratiko egoitzan lapurreta egin dute

Molotoff Irratiak jakinarazi duenez, ostiral goizaldean lapurreta egin zuten irratiko egoitzan (Sagastialde 16, behea). Azal­du dutenez, atea behartu on­doren, lokalean sartu eta bertan zeuden soinu aparailuak lapurtu zituzten: bafleak, na­hasketa mahaiak, mikrofonoak, KD irakurgailuak, kableatua, informatikako materiala eta abar; guztira 10.000 euro inguruko balioa duen materiala. Horiez gain, Jai Batzor­dea­ren ekipoa ere lapurtu zu­ten, herriko talde ezberdinek euren ekimenak egiteko erabiltzen zutena. Adierazi dutenez, salaketa jarri dute, eta orain lapurretaren balorazio zehatzagoa egiten ari dira. Hala ere, emisioekin aurrera jarraituko dutela jakinarazi dute: «kolpe gogorra izan da, baina emisioekin aurrera jarraituko dugu, eta ziur gaude herritarren laguntzarekin egoerari buelta emango diogula».