Bizikletak, patinak, patineteak eta osagarriak salduko dituzte gaur, Bigarren Eskuko azoka berezian

Europa guztian bezala, Hernanin ere Mugikor­ta­sun Astea antolatu dute, aste­lehenean hasi eta gaur arte. Hernaniko Udalak antolatuta bi ekitaldi izango dira gaur goizean zehar: alde batetik Bigarren Eskuko azoka berezia, eta bestetik Kale Antzerkia.

Bigarren eskuko bizikletak, patinak,
eta abar aukeran
Bigarren Eskuko azoka be­rezia izango da gaur Atse­gindegin. Bizikletak, pa­ti­nak, patineteak, kas­koak eta hain­bat osagarri salgai jar­tze­ko au­kera izango dute he­rri­tarrek. Edozeinek eraman de­­zake saldu nahi duena, goizeko 09:00etatik 10:00­eta­ra, Atsegindegira. Sal­tzaileak be­re datu per­tso­nalak eman be­harko ditu, eta saldu be­ha­rrekoaren datuak eman be­har­ko dizkio an­tola­tzaileari; saldu nahi due­naren prezioa ere bai. An­tolakuntzako lan­taldea ar­du­ratuko da azoka zain­tzeaz eta sal­tzeaz. Azoka bukatzean, 14:00etan, sal­men­tan zerbait utzi duten jabeek saldu­ta­koaren dirua edo objek­tuak jasotzera pasa beharko dute.

Kale Antzerkia,
Biteritik Plaza Berrira
Gaurko beste ekitaldia kale antzerkia izango da. 11:30­etatik 13:00etara izango da an­tzerkia, Biteritik aterako da, eta Tilosetatik eta Plaza Be­rritik pasako da. Geldi edo Mu­gi izena du kale an­tzerkiak, eta gaurkoan, es­kola ibilta­riarekin etorriko dira Herna­nira, herritarren ohiturak umorez lantzeko asmotan.

Bizikleta festa bihar,
herrian barrena
Bihar bizikletan herrian paseatzeko aukera izango da, Kirol Patronatuak, Zi­kuñako Amak, Udaltzain­goak eta Ikastetxeek anto­latu duten Bizikleta Festari esker. Zirkuitua Hernaniko hainbat kirol eremutatik pasako da, Zubipe, Landare eta Atletismo pistatik esa­terako, eta 09:30eatik 12:00­etara izango da zabalik. Ibilbidea 4 kilometro ingu­rukoa da, eta parte hartzeko kaskoa nahitaezkoa da. Bizkleta ez dutenek Plaza Berrin izango dute bat eskuratzeko aukera.