mugikortasun Astearen barruan, kirol egokituaren ginkana egingo da bihar Atsegindegin. Ginkana arratsaldeko 17:30etatik 19:30etara izango da, eta bertan, parte-hartzaileek hainbat proba egin beharko dituzte.
Koxka elkartetik adierazi dutenez, ginkanak bi helburu ditu: batetik, desgaitasuna duen pertsonaren lekuan jartzea, eta bestetik, desgaitasun fisikoren bat izanez gero, kirola egitea.
Ginkanan egingo diren proba guztiek lotura zuzena izango dute desgaitasun batekin, esaterako, baloia hanka bakar batez jotzeko proba. Proba guztiek zirkuitu bat osatuko dute, eta tarteka zenbait kontrol proba izango dira, probak gainditu diren edo ez epaitzeko. Zirkuitua bukatzean partehartzaileari egin duen puntuazioa emango zaio. Puntuatzeko garaian ez dute bakarrik kontuan hartuko proba gainditu den edo ez, partehartzailearen jokaera ere hartuko dute kontuan. Horrez gain, partehartzaileei txokolatea emango diete proba arteko atsedenaldietan.
Ginkana Kemen eta Hernades elkarteek antolatu dute, Koxka, AGI eta AGAEB elkarteen laguntzarekin. Koxka elkarteak animoak eman dizkie hernaniar guztiei, gazte zein heldu, Atsegindegira joan eta arratsalde alaia pasatzeko.