Kotxearen ordez, ze aukera ditugu?

Europa guztian Mugikor­ta­sun Astea antolatu dute aste honetan, eta Hernanin ere hala egin dute, gaurtik hasi eta igandera. Ekitaldiak ostegunetik igandera izango dira batez ere: ikus-entzunezko emanaldia, azoka, bizikleta festa... Aste guztian zehar ere izango da zer ikusi eta gozatu: Her­naniko Udalaren Mu­gi­­kor­ta­sun Plana ikusteko au­kera ja­rriko dute Biterin, eta Urbieta kalea itxi egingo dute kotxeentzat, Biteritik hasi eta Plaza Berriraino.
Aurten, gai bati eman nahi izan diote garrantzia: kotxearen ordez mugitzeko ditugun aukerak zein diren, eta zenbateko garrantzia duten.

‘Ipar gazi, hego geza’
Ostegunean, bideo emanaldia izango da Biterin, 19:30­etan, Mikel Bringasen eskutik. Ipar gazi, hego geza emanaldian, Europa iparraldeko herriak erakutsiko dizkigu, familian eta bizikletaz, egin litekeen bidaia atsegin bat, hain zuzen ere. Aldi berean, beste herrialde batzuetan bizikletari zenbateko balioa ematen zaion erakutsiko du.

Ginkana, ostiralean
Koxka auzo elkarteak ginkana prestatuko du datorren ostiralean, herritarrak gehiago ezagutu dezaten, mugikortasun zailtasunak dituztenen errealitatea.

Bizikleta festa: errepideak bizikletentzat, goiz batez
Igandean bizikleta eta oinezkoen egun haundia izango da: Bizikleta festa. Goizeko 09:30etatik aurrera, Herna­nin bizikletek eta oinezkoek ibiltzeko aukera izango dute, errepide nagusi batzuetan. Ibilbide bat antolatuko dute, Txantxangorritik abiatuta nahi duenak egin ahal izango duena.

Aste osoan ikusgai, Mugikortasun Plana
Urbieta kaleko zati bat itxi egingo dute aste osoan kotxe eta ibilgailuentzat, hasi Biteri kultur etxe parean, eta Plaza Berriraino. Horrez gain, Her­na­niko Mugikortasun Plana iku­si nahi duenak, aukera izango du, aste guztian ze­har, Biteri kultur etxean jarriko baitute erakusketan. 

Azoka berezia: bigarren eskuko bizikletak

hernaniko Udalak bigarren eskuko azoka berezia antolatu du larunbat honetan. Bigarren eskuko beste gauzez gain, bizikletak, patinak, patineteak, kaskoak, edo horien osagarriak salgai jarri ditzake edozeinek, aldez aurretik baimena eskatzen badu. Zerbait saldu nahi duenak, larunbatean Atse­­­­gin­de­­gira joan behar du, 09:00­etatik 10:00etara. Izena abizenak eman eta NA (DNI) eraku­tsi  beharko ditu. Saldu, ar­du­radunek egingo dute, eta azoka bukatzean (14:00etan) buel­tatuko zaizkie dirua edo objetuak jabeei. Zerbitzua doakoa da. Informazioa: 943 575431.