errugbiak argi berriak ditu, denboraldi berriari aurre egiteko. Lehen zeukatena baino bost aldiz argi haundiagoa egingo duen argiteria jarri dute, Landareko bigarren zelaian, eta batez ere, entrenamenduetan erabiliko dute, asteartean azaldu zutenez. «10 urte pasa dira, behar hori detektatu zenetik, eta aurten lortu dugu, zelai bati behar bezalako argia jartzea». Berez, bi zelaietan jarri nahi dute tankerako argiteria, eta pausoka joateko asmoa azaldu dute. Oraingoz, bigarren zelaian jarri dute, erabilpen haundiagoa ematen baitzaio zati horri, «entrenamenduetarako behar dugu batez ere, eta horregatik aukeratu dugu bigarren zelaia».
120.000 euroko inbertsioa
Mikel Armendarizek egin du argi berriak jartzeko proiektua eta lana, eta Hernaniko Udalak ordaindu du inbertsioa, 120.000 eurokoa. Armendarizek eman zituen xehetasunak asteartean: «lehen 100 lux zituen, eta orain 500 lux; potentzi doblearekin, teknologia berriari esker, argitasuna bost aldiz haundiagoa lortu dugu, bi aldiz potentzia gehiagorekin. 3 hilabeteko lana izan da, martxotik ekainera, eta 8 poste jarri dira, 2.000 vatioko 24 fokorekin. Guztira, 48.000 vatio». yy