Larunbatean auzo festa izango dute Karabelgo bizilagunek, Belkara auzo elkarteak antolatuta. Haurrei begira antolatutako festa da larunbatekoa, baina helduek ere izango dute zer egina eta denbora pasa. Umeentzako moto lasterketa dute berrikuntza nagusia.
Haurrentzat ekintzak,
goiz eta arratsaldez
12:00etan buruhaundiekin aterako dituzte lehenengo izerdiak txikienek, eta arratsaldeko 16:00etatik aurrera arratsalde bete ekintza dituzte: tartean, moto lasterketa txikienentzat (daukatenek, berea eramateko eskatu dute).
Tortilla txapelketa,
barrikotea eta pikoteoa
Eguerdian non jana badute Karabelgo auzotarrek. Tortilla txapelketa dute 13:00etan, eta nahi adina tortilla eraman litzake auzotar bakoitzak. Txapelketaz gain, barrikotea eta tortilla nahiz pintxo pikoteoa ere izango dituzte.
KARABELGO AUZO EGUNA
- 11:00 Diana
- 12:00 Buruhaundiak
- 13:00 Tortilla Txapelketa-Dastaketa eta Barrikotea eta Pikoteoa.
- 16:00 Haurrentzako Jokoak. Pitxar haustea, sokatira, sagar zintzilikaria, zaku lasterketa, moto lasterketa...
- 18:30 Txokolatada
- 19:30 Entzierroa, gezurrezko zezenak.
- 20:00 Zezen Suzkoa.