Luis Goñi hernaniarrak iaz heldu zion berriz igeriketari, hainbat urteren ondoren, eta emaitza txukunak lortu zituen, besteak beste, Gipuzkoako trabesiatan. Aurten, txukun ez, inor baino hobeto ibili da eta Gipuzkoako Ligako 6 trabesiatatik 4 irabazi ditu, eta horrekin, Liga bera.
Azken trabesia herenegun jokatu zen, Kontxako Badiakoa, hain zuzen. Goñik 00:26:22 denboran egin zituen 2.220m. Bigarrena Jaime Caballero izan zen, 00:27:57ko denborarekin. Hirugarrenak, Ion Trekuk, 00:28:10 behar izan zituen.
Hernaniren izenean,
beste sei parte hartzaile
Denera 323k hartu zuten parte eta horietatik 7k Hernaniren izenean eman zuten izena. Honakoa beste seien sailkapena: Oscar Gonzalez 61garrena, 00:34:44; Asier Garzia 65garrena, 00:34:51; Iker Irazu 108garrena, 00:37:15; Iñigo Garcia 121garrena, 00:37:57; Mikel Jokin Tomasena 170garrena, 00:40:38; eta Joxeba Iurramendi 280garrena, 00:48:55.
6tik 4 trabesia, Goñik
Gipuzkoako Ligaren barruan 6 trabesia sartzen dira: Getaria-Zarautz, Txingudi, Paseo Berria, Irla, Haize Orrazea eta Kontxako Badia. Goñik Getaria-Zarautzen 3garren egin zuen, Haize Orrazean 2garren eta gainerakoetan lehenengo postua lortu zuen. Hala, guztira 400 puntu lortu ditu Ligan; bigarrenari, Jaime Caballerori, 17.96 puntuko aldea atera dio.
Hernaniren izenean, beste zortzik ere hartu dute parte Gipuzkoako Ligan eta honela geratu dira sailkapen orokorrean: Eustaquio Velis 26garren; Oscar Gonzalez 47garren; Iñigo Garcia 53garren; Asier Garzia 81garren; Aitor Goñi 124garren, Ioritz Aldabe 129garren; Iban Fernandez 137garren; eta Ander Altuna 147garren.