Comete Sarea, Bigarren Mundu Gerran naziengandik ihesi zebiltzanei laguntzeko sortu zen sarea da eta hori omentzeko, auten ere ibilaldia egin da mugaren bi aldetara. Ohi bezala, ibilaldiak Hernani izan zuen azken jomuga. Atzo iritsi zen Osiñaga auzoan, Loidi parean dagoen oroitarrira eta bertan, Hernaniko 4 mugalariak izan zituzten gogoan: Tomas Anabitarte, Martin Errazkin, Juan Manuel Larburu eta denetan ezagunena, Florentino Goikoetxea.
Nazioarteko ordezkaritza
Omenaldian izan ziren, besteak beste, Nadine Dumon Comete Sarearen sortzailea, Goikoetxeak muga pasatzen lagundutako hiru iheslari, tartean, George Duffe abiadorea, eta Goikoetxearen anaia, Antonio. Guztiek eskerrak eman zizkieten omenaldira gerturatutako senide eta herritarrei eta nazioartetik etorritako herritarrei, hala nola, Belgika, Australia, Eskozia, Irlanda, AEB...
Lau mugalarien oroitarrian lore eskaintza egin ondoren, hiru iheslariek Goikoetxea ezagutu zuten eguna ekarri zuten gogora eta zenbait anekdota ere kontatu zituzten.