Berriak elkarteak antolatuta, atzo bezala, merkealdietako Stock Azoka izango da gaur goizean Atsegindegin. Bertan, udako merkealdian saldu gabe geratu diren produktuak izango dira erosgai, merke-merke; merkealdian baino merkeago izango baitira prezioak. Ordutegia, goizeko 10:00etatik 14:00etara izango da.
Hernaniko dendetako 16 postu izango dira azokan eta batez ere, arropa izango da erosgai, heldu eta umeentzat. Kirola egiteko arropan ere eskaintza zabala izango da oraingo honetan.
Horrez gain, haurrei zuzendutako ekintzak ere jarri ohi dituzte azokan, hala nola, puzgarriak, tailerrak... Oraingo honetan, Txu-txu trena izango dute.
Ostiral arratsaldea, arrakastatsua
Orain arte, Stock Azokak larunbatetan egin izan dira, egun osoan. Baina larunbat arratsaldetan inor ez zela ibiltzen ikusita, oraingo honetan bi egunetan banatzea erabaki zuen Berriak elkarteak, ostiral arratsaldean eta larunbat goizean jarriz azoka. Atzo asmatu zuten, jende mordoa gerturatu baitzen Atsegindegira. yy