Latsunbeberri eta Marieluts auzoko jaiak gaur hasiko dira eta horretarako, sardinada eta kontzertuak antolatu dituzte, aurten giroa ostiraletik pizteko. Horrez gain, ohiko Futbito eta Frontenis Txapelketak jokatuko dira arratsaldean.
Egun haundia
ekintzaz betea, bihar
Auzoko jaiak indartzeko, gaur sardinada eta kontzertuak izango badira ere, larunbatak jarraitzen du egun haundia izaten eta aurten ere ekintza mordoa antolatu dituzte, horietako asko haur eta gazteei zuzenduak. Esaterako, goizean jokoak izango dituzte eta arratsaldean puzgarriak eta ohe elastikoak auzoko hiru gune ezberdinetan. Indarrak berreskuratzeko txokolatada ere izango dute.
Horrez gain, hain arrakastatsua egin den Tortilla Lehiaketak ez du hutsik egingo bihar. Iaz 20tik gora tortilla aurkeztu ziren. Eta urtero bezala, ondoren, bazkaria egingo dute Karobi elkartean. Jaieguna dantzan amaituko dute.
Egitaraua
Gaur, ostirala
18:30 Futbito Txapelketa balioaskotarako pistan.
18:30 Frontenis Txapelketa auzoko frontoian.
20:30 Sardinada.
22:00-01:30 Rock kontzertuak Atarrabiyon: Hilotz, New Souls eta Met-Heav taldeak.
Bihar, larunbata
09:00 Suziri jaurtiketa.
09:30-12:30 Betiko jokoak: zaku lasterketa, altxorraren bila, zinta lasterketa (txirrindaz), zapi jokoa, futbolina.
10:30 Marrazki erakusketa (norberak bere marrazkia eraman) balioaskotarako pistan.
11:00-12:00 Tortilla Txapelketa:
- 1. Saria: Balneoterapia+SPA (2 pertsonentzat).
- 2. Saria: SPA (2 pertsonentzat. Argia Zentroan.
12:00 Trikitilariak eta buruhaundiak.
13:00 Sari banaketa Atarrabiyon.
14:00 Bazkaria Karobi elkartean.
16:30-19:30 Puzgarriak balioaskotarako pistan eta Kiroldegi aurrean eta ohe elastikoak Marielutsen.
17:30 Ping-pong Txapelketa frontoian.
19:00 Toka eta Igel Txapelketa Karobin.
19:30 Txokolatada frontoian.
20:30-01:30 Musika Atarrabiyon.