Etxera itzuli aurretik agur beroa jaso dute Udalean aurten etorritako Saharako zazpi haurrek

Bujari, Abdalahi, Mohamed, Fatma, Fatimetu, Tfrrah eta Mentou, aurten uda pasatzera etorri diren 7 haur sahararrak bihar itzuliko dira etxera bi hilabete Hernanin pasa ostean. Eta etxera itzuli aurretik, agur beroa jaso zuten atzo Udalean. Egun hauetan begiraleekin batera egindako ekintza eta irteeretan ateratako argazkiak ikusi ondoren, merendola modukoa egin zuten haur, guraso, begirale eta udal ordezkariek. Etxean hartu dituzten Hernaniko familiei eskerrak eman zizkien Usoa Barrutiabengoa zinegotziak Udalaren izenean.