Txintxo-txintxo ekin diote haur eta gazteek ikasturte berriari

Motxilak bizkarrean, karpeta eta koadernoak eskutan ikusi ahal izan ziren atzo Hernaniko haur eta gazteak aspaldiko partez. Izan ere, udako oporraldia bukatuta, txintxo-txintxo atzo ekin zioten ikasturte berriari. Hel­due­nek, hau da, Derrigo­rrezko Bigarren Hezkuntza, Batxilergoa eta Heziketa Ziklokoek, aurkezpen eguna izan zuten atzokoa. Haur eta Lehen Hezkuntzakoek, be­rriz, irakasle eta lagun be­rriak ezagutu eta zaharrekin elkartzekoa, besteak beste. Goizez bakarrik aritu ziren eta hala, jardunaldi trinkoarekin jarraituko dute iraila bukaera arte.