Ikasketak helduentzat, EPA-HHIn

Helduentzako ikastaroak eskaini ditu aurten ere EPA-HHI ikastetxeak. Herna­nin 10 ikastaro eskainiko dituzte Antziola kaleko zentroan, eta Hernani inguruko zentroetan ere izango da ikasteko aukera: Andoain, Urnieta eta Astigarragan.

18 urtetik gorakoei emango zaizkie klaseak, dohainik, eta bi lauhilekotan banatuta: irailetik otsailera, eta otsailetik ekainera. Bigarren hezkuntzako graduatua ez dutenentzat eta graduatua dutenentzat ikastaro ezberdinak emango dituzte, goizez, arra­tsaldez eta gauez.  

Bigarren hezkuntzako
graduatua eta Unibertsitateko sarrera
Sekundariako graduaturik ez dau­katenek, aukera dute lor­tzeko EPA-HHIn. Irailaren 16an hasiko dira klase horiek, eta baita beste hiru ere: idazten eta irakurtzen ikasteko klaseak; komunikazio trebetasuna lor­tzeko klaseak, eta ezagutza orokorrak aktualizatzeko klaseak.

Unibetsitateko Sarrera Proba prestatzen ere lagun­tzen du EPA-HHIk. Ikastaro horrek berak balio du Goi Mailako Heziketa Zikloetara sartzeko probarako ere.

Hizkuntzak eta informatika
Frantses, euskera eta ingeles ikastaroak ere eskaintzen di­ra, eta gaztelania klaseak ere emango dira, atzerritarren­tzat. Informatika ikastaroa da beste aukera bat (kurtso hauek  guztiak urrian hasiko dira). 

EPA-HHI - ikastaroak

BIGARREN HEZKUNTZAKO (SECUNDARIA) GRADUATUA
EZ BADUZU

Hernani-Andoain-Urnieta-Astigarraga   

• -Idazten edo irakurtzen ikasi
• -Komunikazio trebetasunak hobetu
• -Ezagutza gaurkotu
• -Bigarren Hezkuntzako Graduatua

Hernanin   

• Frantsesa (0 maila) - astean 2 egun
• Euskera (0 maila) - astean 3 egun
• Ingelesa (0 maila) - astean 2 egun
• Informatik. (0 maila) - astean 2-3 egun

Andoainen   

• Euskera (1. maila) - astean 2 egun
• Ingelesa (0 maila) - astean 2 egun
• Informatik. (0 maila) - astean 2-3 egun

Urnietan   

• Informatika (0 maila) - astean 2 egun

OINARRIZKO TITULAZIOA
BALDIN BADAUKAZU

Hernanin   

• Unibertsitaterako Sarrera-Probarako prestatzea, 25 urtetik gorakoentzat. Goi Mailako Heziketa Zikloetarako (Ciclo Formativo Superior) Sarrera-Probarako ere balio du.

Andoainen   

• Informatika (0 maila) - astean 2 egun

BESTE IKASTAROAK

• Gaztelania atzerritarrei

ESKAINTZEN DIZUGUNA...

• -Ikastetxe ofiziala, 18 urtetik gorakoentzat, Eusko Jaurlaritzako Hezkun­tza sailaren esku da EPA-HHI.
• -Doako matrikula
• -Irakasle titulatu eta espezializatuak
• -Ikasturtea bi lauhilekotan antolatua (iraila-otsaila eta otsaila-ekaina)
• -Goizez, arratsaldez, eta gauez.