Hernani BHI Institutuak bilduko ditu aurten, Hernaniko Derrigorrezko Bigarren Hezkuntzako lehenengo mailako ikasle gehienak. DBH 2-3-4 mailetako ikasleek euren ikastetxeetan ikasiko dute. Bihar goizean dute aurkezpen eguna, bakoitzak dagokion zentruan.
DBH 1, Agustin Iturriagan
Agustin Iturriaga zentrora inguratu beharko dute DBH 1eko ikasleek, goizeko 10:00etarako. DBH 2, 3 eta 4 maila egin behar duten ikasleek norbere zentrora joan behar dute. Elizatxon 10:00etan dute aurkezpena; Langilen ere 10:00etan dute; eta Urumean 11:00etan.
DBH 1eko gurasoek bilera orokorra, irailaren 15ean
Bestalde, DBH 1 mailako guraso guztiekin bilera egingo dute Agustin Iturriaga zentroan, irailaren 15ean. Ordua zehazteko dago, eta guztiei jakinaraziko zaie, etxera bidaliko den gutunean.
Batxilergoa eta Heziketa Zikloak, Agustin Iturriagan eta Karmelo Labakan
Batxilergoa eta Heziketa Zikloak egingo dituzten ikasleek ere, bihar dute aurkezpen eguna. Batxilerreko ikasleek Agustin Iturriagan dute hitzordua, 12:00etan. Heziketa Zikloetako ikasleek Karmelo Labaka zentrora inguratu behar dute, ordu berean, 12:00etan.