Zigor Iturrieta hirugarren, Mont Blanc-eko mendi-proban

ZIGOR Iturrieta korrikalariak 3garren egin zuen Mont Blan­c-eko Ultra Trail proban, munduko mendi-probarik go­­go­rrenetakoan. 10 ordu eta 49 mi­nutuan egin zituen Itu­rrietak 90 km, hasi Cour­ma­yeurren eta Chamo­ni­xeraino. Munduko mendi-probarik ederrenetakoa da Mont Blanc­ekoa. Aurten aldatu egin dute bidea, eguraldiagatik. Berez 166 km, eta 9.500 metroko desnibela du, 46 or­dutik behera egi­teko. 58 he­rrial­detik joandako 1.400 la­gunek har­tu dute par­te, aurten ere. Bi faboritoren atze­tik bukatuta (Jezz Bragg eta Mike Wolfe), ezusteko ederra eman zuen Itu­rrie­tak. Eus­kadiko Selek­zioko kidea da Itu­rrieta, eta sekulako mar­ka ja­rri du, se­lek­­zioa­ren historiarako.

Euskadiko Kopan txapeldun Iturrieta Eubakoa da, bizkaitarra, eta 10 urte daramazki Hernanin bizitzen. Mendi-probetan 3 urtez ari da (lehen triatloiak egiten zituen). Aur­ten Euskadiko Kopa irabazi du, eta Hiru Haundiko proban lehenengo zijoala, gaizkitu eta utzi egin behar izan zuen. Sukal­da­ria da Oiartzu­nen, eta entrena­tzeko nahi adina denbora izan ez arren, marka ederrak egiten ari da. «Jarraitzeko gogo biziz dago», eta zer esana emango du, hemendik aurrera ere.