bederatzi aldiz irabazi du buruz burukoa, eta gaur 12garren finala du. Ezkurra lesio bolada bat pasata iritsi da finalera, Urrutia Iari irabazita. Kronikari aitortu dio, aspaldiko ilusio haundiena egin diola, gaurko finalean sartzeak. Obsesiorik ez omen dauka 10garren txapela jazteko, eta presiorik gabe aterako omen da, doneztebarra.
Forma onean ikusi
zaitugu txapelketan.
Jokuz oso ongi nago; ez naiz orain 10 urtekoa, hori badakit, baina indarrean nago.
Lesio guztiak ahaztuta?
Bolada txarra pasa dut. Kezka eta bildur asko ibili ditut eta horrek nekatu egiten du. Orain ez dut minik sumatzen. Fisikoa mantendu egin dut, eta progresio ona izan dut, 8 hilabeteotan.
Urrutia Iari ondo irabazi zenion.
Barruan nuen guztia atera nuen. Kontrario gogorra zen finalerdiak hasteko, eta bera zen faborito. Aspaldiko ilusio haundiena sentitu nuen Miguel Mariri irabazita.
Eta 10garren txapela eskura duzu...
Ez nago horrekin obsesionatua. Kriston poza hartu dut finalera pasata, eta badakit, buruz burukoa irabazteko azken aukera izan litekeela gaurkoa. Datorren urtean 38 urte egingo ditut; gazteak oso fuerte datoz... holakoa da bizitza.
San Miguel herritarra duzu, ezagutzen duzu...
San Miguelek asko jokatu du txapelketa guztian. Pelotari agresiboa da, azkarra, eta sake ona du. Baditu hutsuneak ere, ordea. Ez da oso konstantea, eta partidutik ateratzen saiatu behar dut.
Zein da klabea
horretarako?
Partidu hasiera. Hor ikusiko da ze tenpletan atera den bakoitza. Nik ea sake batzuk sartzen dizkiodan hasiera horretan.
Dirua kontra izatera ohitzen al zara?
Ez zait deus inporta. Ez dut batere minik horregatik. Esan dizut ez naizela lehengoa, eta nik hori badakit. Orain presiorik gabe ateratzen naiz kantxara, eta gainera, faborito ez naizenetik, jarraitzaile pila bat ditut.
Pelotak?
San Miguelek baino motelxeagoak aukeratu ditut, bajuagoak; jokatzen uzten dutenak eta peloteorako egokiak. 126 gramoko bi, 125eko, 128ko, eta 129ko bana.