Casino Kursaal Buruz Buruko Txapelketak Doneztebeko kolorea hartu du, bi herritarrek jokatuko baitute finala, datorren larunbatean, Galarretan. Julen San Miguel sailkatuta zegoen finalerako, jokatutako bi partiduak irabazita.
Atzo, Koteto Ezkurrak ez zuen barkatu Matxin IVaren kontra. 30-16 irabazi zion azkoitiarrari, eta itxura oso serioa eman zuen, Koteto Ezkurraren garai onenak gogora ekartzeko modukoa. Ezkurrak buruz buruko bederatzi txapela dauzka, eta momentu zailenetan jakin izan du partiduak aurrera ateratzen. Lesioei aurre eginda, hamargarren txapela nahiko du larunbatean. Aurrean herritar bat izango du, ez dagoena ezer oparitzeko.