Bi ibilbide, goizetik gauera

Gaur hasiko da martxan herri barruko autobusa, udaran geldirik egon eta gero. Bi ibilbide izango ditu, eta aldaketa haundirik ez du, aurreko urteko ordutegi eta ibilbidetik. Hernani Institutura igotzeko aukera izango da goizetan, eta euskaltegira ere bai. Ur Parkean ere geratuko da, denboraldian zehar.

Bi ibilbide nagusi egingo ditu herri barruko autobusak, Urbieta kaletik abiatuta. Batetik, Etxeberri eta Antzio­la­ra joango da. Autobus hori ibiliko da maizena, ia orduero ibiliko baita (13 aldiz guztira), goizeko 07:45etan abiatuta. Bestetik, Zikuñagara joango da. Ibil­bi­de horretan, autobus gutxiago izango di­ra, bost guztira; lehenengoa Zikuñagatik abiatuko da (08:10etakoa), ez Urbietatik. La­runbatetan murriztu egingo du bidaia kopurua, eta lau bidaia egingo ditu, ibilbide bakoitzean.

Agustin Iturriagara, Euskaltegira, eta Ur Parkera
Urbietatik abiatuko dira autobus guztiak, Zikuñaga­ko lehendabizikoa izan ezik. Urbietatik abiatu, eta Herna­ni­ko beheko auzo guztietara joateko aukera izango da. Horrez gain, goizean goizeko autobusa Hernani Institu­tura igoko da, 07:45etakoa. Hu­rrengoa, 08:30etakoa, Eus­­­kaltegian ere geratu egingo da (anbulategi zaharrean), eta Ur Parkean ere bai, denboraldia den bitartean.

14:30etakoa, Zikuñagatik hilerrira eta Instituturaino iri­tsiko da.

Lurraldebus txartelarekin bai
Enpresa berriak gestionatuko du herri barruko autobusa, lehengoak uko egin diolako lan horri. Dena dela, aldaketarik ez da izango prezioan, eta Lurraldebus txartela ere erabili ahal izango da, orain artean bezala.