Ezkurrak finalera pasa nahi du, gaur, Matxin IVari irabazita

San Miguel finalean da dagoeneko, eta gaur erabakiko da zein den bigarren finalista, Casino Kursaal buruz buruko torneo haundienean. Koteto Ezkurrak ditu boleto gehien final haundia jokatzeko, joan den larunbatean egun­go txapeldunari irabazi egin baitzion, Miguel Mari Urrutiari, hain zuzen ere. Ez­kurrak erakutsi zuen, sasoi bete-betean dagoela, eta ahaztuta daukala az­ken hiru urteko lesio bolada, hainbeste buru-hauste eragin dizkiona.

Matxin IVa, gaztea eta zaila
Ezkurrak irabazi beharra dauka gaur finalera pasatzeko. Galtzeak ez dio balio, kasu horretan Urrutia Ia pasako bailitzateke finalera. Au­rrean, zaildutako gazte bat izan­go du, aurtengo errebelazioa: Matxin IVa. Azkoitia­rrak ia ez du aukerarik finalerako, 30-0 irabazi behar baitu horretarako. Dena dela, aurten sorpresa asko emanda sartu da finalerdietako ligilara, eta gaur irabaztea ez litzateke miraria.

Partidu haundia izango da, Casino Kursaal buruz bu­ruko torneoak merezi bezalakoa, arratsaldeko 16:00etatik aurrera. Finala, datorren larunbatean, irailak 4.

GAURKO PARTIDUAK

• Urrutia II-Urko / Oñatz-Baleztena
• Ezkurra / Matxin IV
• Urtasun-Urrutia I / Juaristi-San Miguel
• Matxin III-Zubizarreta / Etxeberria IV-Agirrezabala

IGANDEKO EMAITZAK

• Oñatz-Zubiri 34 / Urrutia II-Barrenetxea IV 35
• Zeberio II-Agirrezabala 39 / Urriza-Badiola 40
• Uterga-Zubizarreta 40 / Juaristi-Aizpurua II 35
• Matxin III-Olazar 21 / Agirresarobe-Jon 30