Eneko Aizpitarte txapeldun Dinastia Etxabe Txapelketan

Eneko Aizpitarte pelotari her­naniarrak Dinastia Etxa­be Txapelketa irabazi zuen ostegunean Usurbilgo San­txo Pelotariarekin. 22-11 irabazi zioten Landa-Aizpuru bikote  azpeitiarrari. Norgehiagoka parekatua izan zen, baina irabazleak nagusi izan ziren hasieratik. Aizpi­tar­­­tek den­boraldiko bigarren txapela lortu du azken horrekin.
Dinastia Etxabe Txapel­ke­­taren barruan, Aitor Go­rro­­txa­tegik ere finala jokatu zu­en ostegunean eta gutxigatik ez zuen lortu txapela. Sora­lu­zeko Atxotegi pelotariarekin, 22-21 galdu zuen Hernan­dez-Diez bikote bizkaitarraren aurka. Partidu ederra izan zen eta lau pelotariek oso ondo jokatu zuten. Gorro­txategik eta Atxotegik aldeko izan zuten markagailua 16-6 eta 21-17 tantoetan, baina azkenean ez zuten irabazterik lortu. Gorro­txa­tegik, ostegunekoarekin, 7 final jokatu ditu denboraldi honetan.

Angelun ere ezin
Ostegunean, beste hernaniar batek ere jokatu zuen finala. Iñaki Esnalek, hain zuzen ere. Angeluko Txapelketako fi­nala jokatu zuen Iparral­de­ko Alberdi pelotariarekin eta 22-17 galdu zuten Etxeberri-Iriarteren aurka. Neurketa parekatua izan zen 17na berdindu arte. Momentu horretan, irabazleek pelota aldatu eta zuzenean joan ziren 22 tantotara. Esnalek, guztira, 3 final jokatu ditu denboraldi honetan.