Kilo eta erdi pasako tomateak, Jose Lopezen baratzan

Bitamina A eta C omen ditu, eta kaloria gutxiko dietarako agintzen dute medikuek, gero eta gehiago. To­ma­tea da uda-garai ho­netan gure baratzetako erregea, nahiz eta, aur­ten, erdoiak dezente hondatu dituen. Jose Lopezek 1,600 kg-ko tomatea ekarri du bere bara­tzatik, eta gehiago ere ba omen ditu tamaina horretakoak. Erdoia iritsi da Lopezen baratzara ere, eta 15 landare inguru li­bra­tu omen dira, sartutako 110 landaretik. To­mate barietate haundia sar­tzen du Lo­pezek, orain dela 15 urte lagun batek Oriotik ekarria. Izugarrizko aleak ematen ditu eta «jateko ezagutu dudan onena» dela agin­du du baratzagileak. Egu­nero 3 bat ordu dedika­tzen dizkio baratzari, eta denetik egiten du: pepinoa, letxuga, piperra, babarruna, aza, porrua, kalabaza, kalabazina... eta nola ez, tomate-erraldoia; aurten «uztaileko behe-lainoak eta hezetasunak» asko hondatu badizkio ere, muestrarako adina egin du, urteroko moduan.