Casino Kursaal Banakako Txapelketa ari da pixkanaka bukaerara heltzen. Gaur, San Miguel eta Utergaren artean, B taldeko finalerdietako azken partidua jokatuko da eta bertan erabakiko da, finalera zein pasako den talde horretatik. Utergak aurrera egiteko nahitaezkoa du partidua irabaztea eta San Miguel 24 tanto baino gutxiagorekin uztea. San Miguelek berriz, sei tanto edo gutxiagogatik galduta ere, jarraitzeko aukera izango luke.
Bi pelotariak Doneztebekoak dira. Uterga aurrelaria da eta San Miguel atzelaria. Ondo ezagutzen dute elkar eta atzelaria sakean min egiten saiatuko da. Utergak arriskatu egin behar du finalera iritsi nahi badu eta San Miguel bere jokutik ateratzen saiatu beharko du. Tantoak ahalik eta azkarren egiten ahalegindu beharko du.
Larunbatean Urrutia Iak eta Ezkurrak jokatuko dute, A taldeko ligilako azken aurreko partidua. Azkena, asteartean: Ezkurra-Matxin IV.
Zeberio II-Badiola/Urriza-Etxeberria III, ondoren
Gaurko jaialdian beste hiru partidu ere jokatuko dira: aurretik, Urrutia II-Aizpurua II/Oñatz-Urko (35 tantotara); eta ondoren, Zeberio II-Badiola/Urriza-Etxeberria (40 tantotara), eta Matxin IV-Baleztena/Zulaika-Jon (30 tantotara). Norgehiagokak arratsaldeko 16:00etatik aurrera jokatuko dira.