Idi demak, bazkari herrikoia eta ikuskizuna gaur, festak bukatzeko

Pobre de mi berezia abestuta bukatuko dituzte festak gaur Ergobin. Hori 02:00etan izango da, baina aurretik, egun osoan ez da ekintzarik faltako. Goi­zeko 10:00etan Diana­re­kin es­natuko da jaigiroa eta ondoren, eguerdiko 12:00e­tan, idi pro­baren bigarren eta azken ekitaldia izango da. Bertan era­­ba­ki­ko da aurtengo txapelduna zein den.  Izeta, Telleria, Illa­rre­ta eta Intxarburu dabiltza lehi­an eta oraingoz Telle­riaren idi pareak egin du markarik one­na: 82 plaza, 1m eta 10 cm. Ize­tak 81 plaza, 3 zinta, 5m eta 40cm lortu zituen atzoko saio­an. Gaur beste biak ariko dira.
Idi demaren ostean, bazkari herrikoia izango da plazan eta  18:00etan pailazoen emanaldia. Gaueko 00:00e­tan, be­rriz, Super he­roi­ek ikuskizun paregabea eskainiko dute.

838kg-ko aldea
Atzo arratsaldean herri kirolak izan ziren. Joxe Ramon, Je­xux Mari eta Hodei Izeta, Iña­ki eta Iñaxio Perurena, Aimar Iri­goien eta Urdax aritu ziren harrijasotzen. Erakus­tal­diaren barruan, Joxe Ra­mon eta Hodei Izeta Jexux Ma­ri Izeta eta Aimar Irigoie­nen arteko desafioa izan zen, zein bikotek altxako kilo gehien. Hiru harri ezberdinekin (125kg-ko errek­tangu­la­rra, 113kg-ko ku­­­­bikoa eta 100kg-ko bola) 2 minutuko saioak egin zituzten eta Jexux Mari Izeta eta Irigoien nagusitu ziren. Guz­tira 10.151kg al­txa zituzten; besteek baino 838kg gehiago.

Gaurko egitaraua
10:00 Diana.
12:00 XLVI Ergobia Saria Idi Proba.
14:30 Bazkari herrikoia plazan. Tartean musika emanaldia Modestoren eskutik.
18:00 Potxin eta Patxin pailazoak.
00:00 Super heroiek ikuskizun
paregabea eskainiko dute.
02:00 Festei bukaera emateko ‘Ergobiko pobre de mi’.