EGUERDIAN sagardo probaketa, eta arratsean berendua, haurrentzat sorpresa eta Toka txapelketa dituzte Goizuetan, gaur, Amabirjin jaiei bukaera emateko. Gipuzkoako eta Nafarroako sagardogile onenek jarriko dituzte sagardoak, Plazara inguratzen direnentzat. Aurtengoz festak bukatu dira Goizuetan, eta denak beharko zituzten, atzo, oraindik indarrak sobra baitzituzten gehienek.
Festak, urean paseak
Bazkari, kalejira eta zezen-festa ederra joan zen atzokoa, eta errekan bukatu zuten, eguraldiak eman ez zituen berotasunak freskatzen. Umore Ona peñako kideek jarri zuten giroa arratsalde partean, beraien eta ezkonduen egunean.
Musikak eta dantzak ere leku haundia izan zuen atzo, festa egun guztietan, eta baita pilotak ere. Atzo, Goizuetak irabazi zuen Aranoren kontrako urteroko desafioa, 22-20. Lauterdian, Yoldik 22, Mendizabalek 20.
Abuztuak 19 Udala eta ikastolako tabernaren
artean antolatutako jaia
12:00 Gipuzkoako eta Nafarroako sagardogile onenen partehartzearekin, Sagardo Probaketa Plazan.
17:30 Berendua.
18:00 Haurrentzat sorpresa.
19:00 Toka txapelketa heldu eta gazteentzat.