CASINO Kursaal Banakako txapelketa finalerdietan da, eta gaur jokatuko da aurreneko partidua, Juaristi eta San Miguelen artekoa. Finelerdiak bi taldetan banatuta jokatuko dira, eta gaurkoa B taldeko partidua izango da. Txapelketa osoan zehar bi erremontistek erakutsi dute nahikoa meritu egin dutela finelerdietan egoteko. Gaurkoa partidu garrantzitsua izango da, irabazleak finerako txartela lortzen aukera haundia izango baitu. San Miguelek orain arte jokatutako Banakako Txapelketetan ez du lortu partidurik irabaztea, baina aurtengoan indartsu ari da. Txapelketa aurretik jokatu zen ligaxkan Urtasunen kontra irabazi zuen. Eta final laurdenetako fasean Zeberio IIa kanporatu zuen, Banakako Txapelketa bi aldiz irabazi duen erremontista. Hala ere, San Miguelek ez du aurkari makala izango. Juaristi banakako modalitateko onenen artean kokatzen dute adituek, ez du sekula amore ematen, oso segurua da eta langilea. Hortaz, akats gutxi egin beharko ditu San Miguelek partidua irabazteko.
Hiru partidu gehiago gaur
Jaialdiko gainerako partiduak ondorengoak izango dira: Etxabe II-Barrenetxea IV-Matxin IV-Gaztelu; Zeberio II-Ion/Urtasun-Urrutia; Etxeberria IV-Olazar/Agirresarobe-Zubizarreta.