Giro ederra Santiomendin, Amabirjin egunez ere.

Astigarragako Santiomendi auzoan, Amabirjin egunez ospatu zuten auzoko festa, aurten ere. Goizean goizetik inguratu ziren auzotarrak festa girora, eta denen gustoa egiteko aukera jarri zuten antolatzaileek. Herri kirolak izan ziren protagonista ikuskizunetan, eta baserritarrek eramandako hamaiketakoa eta bazkaria, berriz, barrua girotu zutenak. Afari eder batekin esan zioten agur festei, Santiomendiko auzotarrek, beste urtebetez.