goizean atseden hartuta ekingo diote goizuetarrek festari, eguerditik aurrera. Haurrentzako festa, txaranga, musa, zezenak, eta pilota. Nola ez, pilota izango da nagusi Amabirjin hirugarrenean. Aspe enpresako pilotariak ariko dira jaialdiko partidu nagusian; tartean Jon Apezetxea aurrelari goizuetarra. Apezetxeak Cecilio errioxarra izango du lagun, eta Cabrerizo II soriarra eta Galarzaren baraibartarraren (Ladis Galarza haundiaren semea) kontra ariko dira. Apezetxeak herritarren aurrean erakutsi beharko ditu, beraz, lehendik hain ezagunak dituen dohaiak, lehendik hain ezaguna duen frontoian.
Aurretik, afizionatuen mailako partidua izango da, lauterdian, buruz buru, eta tartean beste goizuetar bat: Zabaleta; Sukia zaldibitarraren aurka ariko da. Jaialdia, 19:30etatik aurrera.
Gaurko egitaraua - abuztuak 17
11:30-14:00 Haurrentzako puzgarriak eta elastikoak.
13:30 `Igandea´txarangaren
irteera.
16:30 VII. Mus Txapelketa Iskibin.
16:30-19:00 Haurrentzako puzgarriak eta elastikoak.
18:00 Lasturko ganadutegiko zezenak.
19:30 Aspe enpresako pelotari
profesionalen partiduak.
00:00 Dantzaldia Laiotz taldearekin.